குருஜி சேலம் பிரபஞ்சன்
குருஜி சேலம் பிரபஞ்சன் ஆகிய நான் சேலம் மாவட்டம் தாரமங்கலத்தில் வசித்து வருகிறேன்.
சிறுவயதிலிருந்தே ஜோதிடத்தின் மீது இருந்த தீராக் காதலாலும், தணியாத தாகத்தாலும், தொடர் முயற்சிகளாலும் பல்வேறு ஜோதிட நூல்களைக் தேடித் தேடிப் படிக்க ஆரம்பித்தேன். (சித்தயோகி சிவதாசன் இரவி ஐயாவின் நூல்கள் என் சிந்தனை திறனை மேலும் செதுக்கியது, ஜோதிடத்தில் பல அதி நுட்பங்கள் புரிய ஆரம்பித்தது) அதன் விளைவாக இளம் வயதிலேயே ஜோதிடத்தின் நுட்பங்களைக் கற்றுத் தேர்ந்தேன்.
சிறிது காலத்தில் பிரசன்னத்தின் மீது ஆர்வமும், தாகமும் எனக்குள் ஆழமாக பிறந்தது. அப்போது காலம் எனக்கு அடையாளம் காட்டியது அதிசிறந்த ஆசானான திருப்பூர் கோபாலகிருஷ்ணன் என்னும் திருப்பூர் G.K. ஐயா..
G.K. ஐயாவிடம் அஷ்டமங்கள சோழிப் பிரசன்னம் பயின்றேன்.
ஐயாவின் அருளாசியாலும், இயற்கையின் அருளாலும், இன்று பிரசன்னத்தினால் எனக்கு உலகின் நான்கு திசைகளில் இருந்தும் பாராட்டுக்கள் கிடைத்துக் கொண்டிருக்கிறது.
ஆசான்களால் கிடைத்த அறிவைக் கொண்டும், என்னுடைய தொடர் ஆராய்ச்சியினால் கிடைத்த அறிவைக் கொண்டும், இன்று பல மாணவர்களுக்கு கற்றுக் கொடுத்துக் கொண்டிருக்கிறேன்.
அடிப்படை ஜோதிடம், உயர்நிலை ஜோதிடம், ஜாமக்கோள் பிரசன்னம், அஷ்டமங்கள சோழிப் பிரசன்னம் ஆகியவற்றை மாணவர்களுக்கு கற்றுக் கொடுத்துக் கொண்டிருக்கிறேன்.
என் வாழ்வின் ஒவ்வொரு நாளும் ஜோதிடத்திற்காக உழைத்துக் கொண்டிருக்கிறேன். இயற்கை எனக்கு ஒவ்வொரு நாளும் ஒவ்வொரு நுட்பங்களையும் கற்றுத் தந்து கொண்டிருக்கிறது.
என்னுடைய ஜோதிட ஆர்வத்திற்கு வழியமைத்து கொடுத்த என் குடும்பத்தாருக்கும், உறுதுணையாக நின்ற நண்பர்களுக்கும் (பெருமாள், சுதர்சன், ஏறன்சிவா, அஜந்தா), ஒவ்வொரு நிலையிலும் எனக்கு குருவாக இருந்து என் வாழ்க்கையை செதுக்கிய ஆசான்களுக்கு (கண்ணன், சென்ன கிருஷ்ணன், ராஜசேகர், சித்தயோகி சிவதாசன் இரவி, திருப்பூர் கோபாலகிருஷ்ணன்) எனது நன்றிகளைக் காணிக்கையாக்குகின்றேன்.
எதிர்காலத்தில் மெய்ஞ்ஞான ஜோதிடம் என்ற முறையையும் ஆகச்சிறந்த பல நூல்களையும் படைக்க வேண்டும் என்பது என்னுடைய ஆசை விருப்பம் காதல் எல்லாம்.. காலம் கனிந்து வரும் பொழுது இறைவன் அருளாலும் இயற்கையின் அருளாலும் குருமார்களின் அருளாலும் அனைத்தும் நடக்கும்.
